Одличен фамилијарен колач, кој ќе ги освои симпатиите на сите членови од семејството и гостите, па дури и на оние кои не се многу по благото.
Потребни состојки:
- 3 јајца,
- 1 чаша 250ml шеќер,
- 1/2 чаша зејтин,
- 1 чаша млеко,
- 2 чаши брашно,
- 1 прашок за пециво,
- 1 ванилен шеќер,
- 6 големи лажици мармалад од смокви.
Се матат јајцата со половина од шеќерот, а потоа се додава и останатиот шеќер заедно со ванилениот шеќер. Постепено во смесата се додаваат млекото, зејтинот и на крајот брашното и прашокот за пециво. Кога ќе добиеме изедначена смеса, го додаваме и мармаладот од смокви.
Калапот за куглов се намрсува со зејтин и во него се става смесата за колачот. Се пече во претходно загреана рерна на 200 степени. По 15 минути, температурата ја намалува на 170 степени и се пече околу 45 минути.
Изладениот колач се става на чинија и се декорира со шеќер во прав или нешто слично, по Ваша желба.
.